Og þar hvarf það sem ég var búin að skrifa. Æi það gerist víst lítið þessa dagana, er að verða hálfgeðbiluð og farin að eyða einum of miklum tíma á Facebook. Hef víst ekki verið vinnufær og hangið á sjúkradagpeningum en er að fara í viðtal á fimmtudaginn og vona bara að eitthvað gerist og svo það skemmtilega, fer í skanna í næstu viku. Æi þetta er eitthvað hálftilbreytingarlaust allt saman enda þegar manni næstum hlakkar til að fara í einhverja sneiðmyndatöku eða eitthvað þá hlýtur maður að vera hálf geðklikkaður bara.
þriðjudagur, nóvember 04, 2008
sunnudagur, október 12, 2008
Guð hvað lífið er skemmtilegt, ég reyndar frekar heppin en get ekki átt nein samskipti við íslenska banka, hvorki greitt námslánin mín né notað vísakortið. Jæja hef það samt ekki eins slæmt og fólk hérna sem er á námslánum eða bótum frá Íslandi.
Fór á útitónleika með Nicolai, fór með Ingu og stelpunum sem voru ekkert smá uppveðraðar og við Inga hefðum sko verið til í að vera orðnar svona 15 aftur, hann er svo sætur drengurinn.
Birt af siggadisa kl. 9:58 e.h. |
fimmtudagur, október 09, 2008
Þetta er allt ágætt, gerist lítið í lífi mínu, haha. Hangi víst bara meira eða minna heima, get ekki unnið eða neitt. Orkulausari en allt en smám saman að verða betri og betri. blablabla, tuð, tuð, tuð.
Birt af siggadisa kl. 12:19 f.h. |
þriðjudagur, september 30, 2008
Úffffffffffffff hef svo sem ekki mikið að segja sit eins og klessa upp í sófa með tölvuna og kveikt á sjónvarpinu. Og ég sem kann ekkert að vera í fríi gengur þetta bara ágætlega, ennþá á sjúkradagpeningum og orkulaus eins og ég veit ekki hvað. Fínt er kannski sæmilega hress í svona klukkutíma eftir að ég vakna og svo er það bara búið. Farin að reyna að borða meira af ávöxtum og grænmeti en ég hef gert, hef nú samt alltaf verið dugleg við það. Hef líka verið dugleg við vítamínið en nú er það alveg komið á planið og má ekki gleymast. Hef verið hjá Ingu undanfarnar vikur bara en dröslaðist heim til mín í dag og þetta er bara hálfeinmannalegt.
Birt af siggadisa kl. 8:34 e.h. |
laugardagur, september 20, 2008
Birt af siggadisa kl. 9:54 e.h. |
þriðjudagur, júlí 29, 2008
24° kl.19.30
Er eitthvað meira um það að segja?
Eyði 2-3 tímum í strætó og lest á dag og þessa dagana er ólíft inn í þessum fyrirbærum.
Núna er fínt að vera vinna vinnu sem er alltaf einhver útivera því núna er hún mikil. Snild.
Jæja best að þrífa aðeins áður en ég hendist í sturtu, takmarkið er að klára eldhúsið og helst baðherbergið, þarf svo að fara á fætur um miðja nótt til að ná í vinnu kl.07.00 í fyrramálið.
Birt af siggadisa kl. 5:31 e.h. |
sunnudagur, júlí 27, 2008
Og sólblómið á svölunum sprakk út í dag. Það gladdi mig óhemju, átti nú ekki von á því strax.
Birt af siggadisa kl. 8:45 e.h. |
Steikin
Sit í svaladyrunum eins og klessa og hlusta á Ladda, ætlaði eiginlega að klára að pakka niður þannig að ég geti farið að þrífa, en kem engu í verk vegna hita, jú það lekur af mér svitinn þannig að líkamsstarfsemin er greinilega í lagi. Er líka komin með ísdellu, djís það hefði mér nú aldrei dottið í hug. Kenni sko hitanum um það. Jæja er ekki mikið eftir að pakka þannig að þetta ætti nú alveg að hafast þegar ég hefst úr svaladyrunum.
Birt af siggadisa kl. 3:49 e.h. |
laugardagur, júlí 26, 2008
Engar fréttir eru góðar fréttir, ekki satt. Eyddi deginum ja eða seinnihluta hans úti í garði og við þvott, á reyndar eftir að dröslast niður og sækja restina, ekki alveg að hafa það af. En jæja ætti víst að hafa það af, klukkan að verða 22.00 og 22° úti samkvæmt mælinum. Annað hefur víst ekki gerst hér í dag.
Birt af siggadisa kl. 7:50 e.h. |
Jæja farin út í sólina og 27° Þar sem ég er ekki enn orðin eldrauð, haha. Ætla einnig að hendast í þvottahúsið í leiðinni, jeijjjjjjjjjjjjjjjjj.
Birt af siggadisa kl. 1:04 e.h. |
föstudagur, júlí 25, 2008
Hvernig væri svo að fara að Kvitta?
Erfitt, já það gæti verið það eða maður gæti allavega haldið það. Eitthvað var ég að hugsa í dag sem átti að fara hingað inn en ég man bara ekki hvað það er. Jæja get sett inn eina sæta sögu sem ég veit að Aðalheiður fílar, eða þannig ætli að hún æpi ekki af ógeði. Jæja fór í göngutúr með ungana í vinnunni í dag, við fórum að leita að öndum, sem fundust nú ekki og við vel byrgð af gömlu brauði. Jæja einhversstaðar kíktum við inn í helli og vorum að þvælast í allskonar gróðri, allt í einu er ég að stórum hluta komin í eitthvað viðbjóðslegt klístur, sem ég kippti mér svosem ekkert agalega upp við, bara tók í burtu en mér varð hugsað til Aðalheiðar - Þetta var köngulóarvefur!!!
Var ekki rauð á litinn þegar ég vaknaði í morgun en á alveg von á því að sú verði staðan á morgun, það var ekki kaldara eða minni sól í dag en í gær.
Jæja og ákvörðun er komin fyrir næstu mánuði í það minnsta, ja eða jafnvel ár.
Birt af siggadisa kl. 7:30 e.h. |
Til Aðalheiðar
Birt af siggadisa kl. 7:14 e.h. |
fimmtudagur, júlí 24, 2008
Er ég búin að vera svo lengi í Köben að mér finnst ekkert sem ég sé neitt merkilegt lengur?
Er þetta allt orðið svo eðlilegt og venjulegt?
Birt af siggadisa kl. 8:25 e.h. |
Birt af siggadisa kl. 6:25 e.h. |
miðvikudagur, júlí 23, 2008
Birt af siggadisa kl. 10:13 e.h. |
sunnudagur, júlí 20, 2008
miðvikudagur, júlí 16, 2008
Held að fiðrildið hljóti bara að hafa flogið upp í mig og ofan í maga.
Birt af siggadisa kl. 6:50 e.h. |
Stolið frá Grallaraspóunum
Birt af siggadisa kl. 6:03 e.h. |
Það er alveg að koma helgi
Birt af siggadisa kl. 5:05 e.h. |
laugardagur, júlí 12, 2008
Birt af siggadisa kl. 7:18 e.h. |
fimmtudagur, júlí 10, 2008
Hitinn búinn að vera svo hrottalegur að ég hef alvarlega verið að spá í að láta lubbann fjúka. Spurning hvernig það kæmi út, hefur nú ekki gerst í ein 11 - 12 ár, það er eins og mig minni að ég hafi örugglega verið stutthærð í Englandi forðum daga. Hárið var nú reyndar frekar í styttri kanntinum um jól, en lubbi samt! En nú er það komið vel niður fyrir axlir.
Birt af siggadisa kl. 7:55 e.h. |
Birt af siggadisa kl. 7:47 e.h. |
miðvikudagur, júlí 02, 2008
22° gráður úti og enn glampandi sól, er búin að vera úti frá því um 20 mín yfir 5 í morgun, jæja kannski ekki alveg úti allan tímann, var að vinna frá 7 - 12.15 og var þá ýmist inni eða úti var kominn heim um 2 leytið og hef verið úti í garði síðan. En þetta er glæsilegt er orðin svo þurr á fótunum að mig klæjar og húðin er farin að flagna af. Þetta er glæsiegt ætli ég endi ekki sem skorpin kelling.
Er annars búin að taka ýmsar ákvarðanir og ýmsar breytingar í vændum. Annars vegar er það heilsufarslegt dæmi, en það er eitthvað að sem enginn veit og nú skal það sigrað, hins vegar er ég menntuð til að vinna leiðinlegustu og verst launuðustu vinnu heims og hef barasta engan áhuga á henni lengur.
Birt af siggadisa kl. 4:49 e.h. |
þriðjudagur, júní 24, 2008
Birt af siggadisa kl. 4:32 e.h. |
föstudagur, júní 20, 2008
Birt af siggadisa kl. 9:13 e.h. |
þriðjudagur, júní 17, 2008
laugardagur, júní 14, 2008
Held bara að ég sé á leið í vinnu
Verkfall leiksólakennara hefur kostað BUPL hátt í 40 milljónir danskra króna á dag og hefði verkfallið staðið fram í næstu viku hefði launakostnaður annarra starfmanna á leikskólum, sem lokað var vegna verkfallsins, bæst við kostnað félagsins. Segir Due að það hefi í raun þýtt það að BUPL hefði dáið píslarvættisdauða fyrir félagsmenn sína.
Birt af siggadisa kl. 10:24 e.h. |
Guð minn góður
Birt af siggadisa kl. 9:26 e.h. |
föstudagur, júní 13, 2008
og Íslendingsdruslan...
Birt af siggadisa kl. 9:46 e.h. |
fimmtudagur, júní 12, 2008
Birt af siggadisa kl. 8:46 e.h. |
miðvikudagur, júní 11, 2008
Var...
...að lesa bloggið hjá systur minni hún er að tala um vesturferðina í fyrra, ooooooooooooooo það var svo gaman, heil vika bara í ævintýri.
Birt af siggadisa kl. 9:27 e.h. |
Stolið frá Selmu mákonu minni
Réttindin Mín!
1. Ég hef rétt til að biðja um það sem ég vil.
2. Ég hef rétt til að segja "nei" við beiðnum eða kröfum sem ég get ekki sinnt.
3. Ég hef rétt á að láta í ljós allar mínar tilfinningar, jákvæðar og neikvæðar.
4. Ég hef rétt til að skipta um skoðun.
5. Ég hef rétt á að gera mistök og þarf ekki að vera fullkomin/n
6. Ég hef rétt til að fylgja eigin gildum og viðhorfum.
7. Ég hef rétt á að segja "nei" við hverju sem ég er ekki tilbúin til, hverju sem er óáreiðanlegt eða óvirðir mín gildi.
8. Ég hef rétt til að ákveða mína eigin forgangsröð.
9. Ég hef rétt til að gangast ekki í ábyrgð fyrir hegðun annarra, verkum, tilfinningum eða vandamálum þeirra.
10. Ég hef rétt á að vænta heiðarleika af öðrum.
11. Ég hef rétt á að reiðast einhverjum sem mér þykir vænt um.
12. Ég hef rétt á að vera einstök/einstakur.
13. Ég hef rétt á að segja "ég er hrædd/ur"
14. Ég hef rétt á að segja "ég veit það ekki".
15. Ég hef rétt á að afsaka ekki hegðun mína né gefa á henni skýringar.
16. Ég hef rétt til að taka ákvarðanir sem byggjast á tilfinningum mínum.
17. Ég hef rétt til að hafa þörf á tíma og svigrúmi fyrir sjálfa mig.
18. Ég hef rétt til að vera gáskafull og léttúðug.
19. Ég hef rétt til að vera heilbrigðari en aðrir sem ég umgengst.
20. Ég hef rétt til að vera í umhverfi sem er laust við andlegt eða líkamlegt ofbeldi.
21. Ég hef rétt á að eignast vini og líða vel innan um fólk.
22. Ég hef rétt til að breytast og vaxa.
23. Ég hef rétt til að aðrir virði mínar þarfir og langanir.
24. Ég hef rétt á að aðrir sýni mér virðingu.
25. Ég hef rétt á að vera hamingjusöm/hamingjusamur.
Birt af siggadisa kl. 7:45 e.h. |
Birt af siggadisa kl. 6:15 e.h. |
Jæja ætli þessi hrottalega sólarblíða sé þá búin, ágætisveður í gær en hellingsvindur, skýjað en sól á köflum, og enn er veðrið eins nema áðan var þetta þvílíka úrhelli. Var að skoða veðrið og það virðist vera spáð eins fyrir næstu daga. Jibbý eða eitthvað, jæja ég hætti þá að brenna. Er enn í verkfalli og engin egg komin, hef reyndar ekkert séð dúfnagreyið í dag þannig að hún er kannski búin að gefast upp á þessu. Ja hver veit.
Birt af siggadisa kl. 11:33 f.h. |
mánudagur, júní 09, 2008
Regionaludsigt for København og Nordsjælland
Þetta átti að vera veðurspáin fyrir næstu daga en veit ekkert hvað birtist, en eitt er víst brunablettirnir á Kaupmannahafnarbúum ættu að fá tíma til að jafna sig.
Birt af siggadisa kl. 9:11 e.h. |
Held ég sé bara að missa geðheilsuna
Birt af siggadisa kl. 8:35 e.h. |
föstudagur, júní 06, 2008
Vá ég er Íslensk
Alltaf að tuða um veðurblíðuna, var að skrolla yfir síðustu pósta og held að allstaðar sé minnst á veðrið og blíðuna sem verið hefur og alltaf er ég brunnin einhversstaðar, en það skondna er að sá bruni hefur alltaf verið horfinn daginn eftir, þannig að nú er að vona að sviðinn sem er á milli herðablaðanna verði horfinn á morgun.
Birt af siggadisa kl. 8:25 e.h. |
Birt af siggadisa kl. 7:36 e.h. |
Uppfræðingu takk
Veit einhver eitthvað um 2 ára ísbjörn sem á að hafa synt frá Austurhluta Grænlands til Íslands núna fyrir stuttu síðan? Mér var sagt þetta út í garði í dag. Var víst allavega í fréttum hér.
Birt af siggadisa kl. 6:57 e.h. |
fimmtudagur, júní 05, 2008
Stanslaus sól
Birt af siggadisa kl. 7:31 e.h. |
mánudagur, júní 02, 2008
Held bara að ég sé búin að slá því föstu að það verði sól á morgun og ég úti að dinglast, skelli kannski bara í þvottavél og verð úti í garði á meðan.
Annars má alveg kvitta.
Birt af siggadisa kl. 10:43 e.h. |
Enn í verkfalli
Og lítið um það að segja. Veðrið stöðug snilld, þannig að það er svosem hægt að dinglast úti. Það var samt rétt á mörkunum í Esbjerg um helgina, það var allt of heitt. Það var eiginlega bara betra að vera inni, guð minn góður þetta hélt ég að ég ætti aldrei eftir að segja eða hugsa, en svona er það nú. Undanfarið hafa tvær dúfur verið að sníglast á svölunum mínum, svalirnar eru ekki stórar þetta eru eiginlega bara tvöfalldar dyr og handrið, stéttin er örfáir sentimetrar, en allavega dúfurnar voru þarna í morgun og þegar ég kom heim í dag þá var þetta þar.
Eigendurnir hafa svo ekkert sést í dag og spurning hvort þetta sé bara eitthvað ætlað mér, en ég bíð spennt hvað gerist.
Birt af siggadisa kl. 9:14 e.h. |
sunnudagur, júní 01, 2008
miðvikudagur, maí 28, 2008
Birt af siggadisa kl. 7:43 e.h. |
mánudagur, maí 26, 2008
Rigning í dag. Byrjaði daginn snemma, hélt á flaggi í Gladsaxe í um 1 1/2 tíma. Og mætti svo til að hlusta á smá ræður og vita hvar stefnan væri á á morgun. Dundaði mér svo heim á leið, var lengi í ræktinni og svona en samt komin hingað heim klukkan 14.30. Þarf svo að mæta á morgun kl. 16.00 við Kristjánsborg í tvo tíma. Ég hef svo mikinn tíma núna að það hálfa væri nóg. Ef einhver vill í heimsókn er það velkomið. Fínt að fá smá rigningu því ég er svo rauð á handleggjum og bringu eftir helgina og er ekki frá því að ég sé brunnin á öxlunum. Spáð 21° næstu daga og 25° á föstudaginn.
Birt af siggadisa kl. 8:00 e.h. |
Stolið frá Jónu Árný
Smá grín handa öllum konum fyrir fyrstu útileguhelgi ársins
Haltu öllum vinkonum þínum frá eftirfarandi :
a) Hjásvæfunum þínum ef þú hefur enn löngun til að sofa hjá þeim, ert enn hrifin af þeim eða sterkir möguleikar eru til þess að þið séuð að fara að þróa ykkar brothætta samband.
b) karlmönnunum sem þið eruð að reyna við þá stundina.
c) Barnsfeðrum ykkar, bræðrum og feðrum og sonum, með feðrum þá á ég við blóðfeðrum, stjúpfeðrum og svoleiðis.
d ) Karlmönnum sem þið hafið alltaf verið hrifnar af en aldrei gefið það í skyn, Allar sannar konur vita regluna um að vera ekki að tína upp karlkynsfélaga eftir vinkonur sínar. Hvort sem þeir eru áhugaverðir eða ekki þá er búið að nota það og ekki er ætlast til endurvinnslu.
Best er að eiga vinkonur sem hafa ekki sama smekk á karlmönnum og þú. Já eða engar vinkonur.
En það er líka alveg skelfilegt að eiga ekki vini af báðum kynjum. Undantekningar á þessum reglum er ef :
a) Sönn ást er í spilinu og þú ert sjálf þriðja hjólið.
b) ef vinkona þín hefur aldrei séð þennan mann og veit ekki að hann og þú hafa einhverntíma verið að dúllast. ( þá er tilgangslaust að mótmæla ef þau hittast og verða skotin )
c) Ef vinkona þín er miklu eldri eða yngri en þú og þig vantar að koma henni á deit með ættingjum þínum eða vinum og þá er deitið með þínu samþykki eða að þínu frumkvæði.
d) ef maðurinn sem er búinn að vera skotinn í þér en þú ekki honum er að trufla þig þá endilega klínirðu honum upp á næstu vinkonu þína. Með tilliti til þess að hann sé ekki forljótur, geðsjúkur eða fáviti (maður gerir ekki vinkonum sínum svoleiðis)Og þá sérstaklega þá vinkonu sem er mest despó og tekur við næstum hvaða manni sem er. ( þá erum við ekki að tala um bestu vinkonu því þetta gæti komið aftan að þér ef þau byrja saman.
Öllu gríni fylgir nokkur alvara þannig að gangið hægt um gleðinnar dyr og ekki láta hópnauðga ykkur á einhverju fylleríinu elskurnar
Birt af siggadisa kl. 7:48 e.h. |
sunnudagur, maí 25, 2008
Júróvisjón
Birt af siggadisa kl. 10:29 f.h. |
djís held að Köben sé rikugasta borg ever, mér finnst ég stanslaust vera að þurrka af og svo eru stanslausir köngulóarvefir í öllum hornum og þar sem tuskuæðið hefur aldrei hrjáð mig, jaaaaaaaaaaa þá fer þetta í taugarnar á mér og krefst sérstakrar skipulagningar, þ.e. það þarf að ákveða verkskipan og þar sem ég er ein í þessu öllu þá þarf að ákvarða hvar eigi að byrja, enda og allt þar á milli. Og staðir þar sem gætu verið köngulóarvefir hafa aldrei verið inn í skipulaginu því, en án gríns held bara að ég eigi eftir að kafna úr ryki og köngulóarvef.
Ég meina það er komið þykkt lag af ryki á nokkrum dögum.
Birt af siggadisa kl. 10:02 f.h. |
Búin með pensillín skammtinn og hóstinn bara að versna aftur held ég, sveimér þá, hvar endar þetta eiginlega? En er að spá í að hendast hérna út í garð og sóla mig aðeins meira, ætla mér víst að verða fljót að ná upp litnum frá í fyrrasumar þannig að... jæja ætla að fá mér smá að borða fyrst.
Birt af siggadisa kl. 9:56 f.h. |
Tónlistarsmekkur minn...
... er greinilega ekki í samræmi við tónlistarsmekk restarinnar af Evrópu. Þau lög sem heilluðu mig lenntu öll fyrir neðan miðju.
Birt af siggadisa kl. 8:39 f.h. |
laugardagur, maí 24, 2008
Sólin búin um 1 1/2 tími í Eurovision, ég búin að kaupa nammí og held að það sé bara allt tilbúið, parið er gift en enn verið að sýna frá brúðkaupinu. Held ég fari að koma mér og máttleysinu inn úr svaladyrunum.
Birt af siggadisa kl. 5:24 e.h. |
Sól og blíða
Birt af siggadisa kl. 3:12 e.h. |
föstudagur, maí 23, 2008
,
Birt af siggadisa kl. 5:58 e.h. |
fimmtudagur, maí 22, 2008
þriðjudagur, maí 20, 2008
Kröfuganga
Birt af siggadisa kl. 5:26 e.h. |
mánudagur, maí 19, 2008
Dagurinn í dag
Var mætt einhversstaðar í Gladsaxe kl 9.00 í morgun. Þegar ég fór hér út í morgun fyrir kl. 8 var sól og blíða. En einhvern tímann fyrir hádegi breyttist það nú allt, það varð skýjað og fór svo að rigna. og í dag rigndi og rigndi þessi lifandis ósköp. Um kvöldmatarleytið fór sólin samt að skína aftur.
Verkfallið byrjaði í morgun og ég mætti þar sem ég átti að mæta, svo ég fái nú laun! Ja svo er ekki úr vegi að finna út hvernig svona dót fer fram. Morguninn fór í planlagningar og svoleiðis. Á morgun á víst að færa borgarstjóra Gladsaxe einhverja skemmtilega gjöf.
Ég tók síðan strætó að Radhuspladsen þar sem planið hafði verið að sóla sig aðeins, en úrhellið kom í veg fyrir það og ég aldrei þessu vant regnhlífarlaus. Ég skundaði því að Istegade til að taka strætó heim, í leiðinni kom ég við í Irma til að kaupa skyr! og haldið þið ekki að þar hafi ekki fengist ýmislegt nammi frá Nóa-síríus með yfirskriftinni Islandsk. Haha keypti nú ekkert en ef það hefði verið Síríus súkkulaði hefði ég örugglega ekki staðist freistinguna. Þegar ég beið í Istegade kom þar gamall maður með regnhlíf, hann horfði svo á mig að mér stóð nú ekki á sama þarna um miðjan dag. Einu sinni var Istegade skuggaleg gata, í dentid var vændi löglegt, vændiskonur fengu leyfi hjá yfirvöldum til að stunda iðju sína, dóp hefur einnig flætt þarna um eins og því hafi verið borgað fyrir það. Í lok oktober á síðasta ári var ég (af öllum) meira að segja spurð að því út á götu hvort ég vissi hvar væri hægt að fá ódýrt hass! Gamli maðurinn fikraði sig síðan smám saman nær og skellti á endanum regnhlífinni yfir hausinn á mér. Bara sætur og ég sem hafði hugsað allt hið versta og staðið stuggur af honum. Þarna stóðum við saman og biðum í einar 5 mínútur. Svo kom strætó og ég komst heim, hef aðallega hangið í leti síðan, hugsað eitt og annað en lítið gert. Og er á leið í háttinn eina ferðina enn.
Birt af siggadisa kl. 8:42 e.h. |
Samkvæmt teljaranum eru komnir yfir 200 á síðuna og það bara á stuttum tíma, hvernig væri nú að drullast til að kvitta. Er í verkfalli í vinnunni og get víst alveg eins farið í verkfall hérna og hef nú oft gert það.
Birt af siggadisa kl. 4:31 e.h. |
sunnudagur, maí 18, 2008
Fleiri myndir frá Esbjerg
Þetta er í byrjun mai, spáið í því.
Hvítasunnuhelgin
Er hann ekki bara sætur?
Maður þarf víst að borða
Vinkonur í 30 ár, já þetta reiknuðum við út eitt kvöldið.
Og djís hvað ég er föl
Birt af siggadisa kl. 7:39 e.h. |
nokkrar myndir frá Hvítasunnunni
Helgin var nokkurn vegin svona, 3 dagar á ströndinni og ég brann á bakinu. Inga kemur til með að búa við þessa strönd, snilldin sem það verður.
Birt af siggadisa kl. 4:24 e.h. |
Jæja byrja í verkfalli á morgun og á að mæta einhversstaðar klukkan 9.30, einhvers staðar sem ég hef ekki hugmynd um hvar er en bind allar mínar vonir við útprentið yfir strætó og kortabókina. Ég held ég þurfi líka að mæta þar á þriðjudagsmorguninn og alla morgna þannig að það er bara morguninn sem ég þarf að læra að rata þangað.
Helgin búin að fara í algjöra leti, hef lítið gert nema smá þrif hér heima, lesa blogg, tjatta á msn og svona, horfa á TV með öðru auganu.
Birt af siggadisa kl. 2:19 e.h. |
fimmtudagur, maí 15, 2008
Bind allar mínar vonir núna við Pensilínið, já og sjóveikitöflurnar sem eiga víst að vinna á svimanum. Finnst þær nú svona hálf scary, má ekki keyra eða neitt og hvað segir það manni? já það er góð spurning.
Jæja kannski virkar þetta allt og kannski ekki.
Tók smá göngutúr hér í Valby í dag og endaði hann í HM þar sem ég fjárfesti í tveimur bolum og veitti víst ekki af í hitanum. Sumarfötin mín voru víst algjörlega á meðal þess sem fór í Rauða krossinn á Húsó fyrir jól.
Vinna til 4 á morgun og svo er helgarfrí og svo verkfall og þá þarf ég víst að mæta á einhvern stað sem ég hef ekki hugmynd um hvar er. Þarf svo væntanlega að fá frí í verkfallinu á miðvikudaginn til að mæta til eyrnasérfræðingsins. Djís það er ekki öll vitleysan eins: fá frí í verkfalli.
Birt af siggadisa kl. 8:03 e.h. |
miðvikudagur, maí 14, 2008
Pensillin
Jæja er að meika það feitt held ég bara hjá læknisþjónustunni í Danmörku. Var hjá doktornum í dag og labbaði út með lyfseðil upp á pensilín. Er að springa úr kvefi og með svo ljótann hósta að skrattinn er örugglega hræddur. Er svo á leiðinni til eyrnarsérfræðings í næstu viku. Annars er mér ekkert farið að standa á sama, er svo þreytt alltaf og ómöguleg. Búin að vera meira en minna kvefuð síðan í janúar. Gjörsamlega hætt að geta nokkuð nema álpast í vinnu og sofið, er á leið í verkfall og ætli ég sofi þá ekki bara. Djísus er það nú ástand.
Birt af siggadisa kl. 7:00 e.h. |
þriðjudagur, maí 13, 2008
Hún á afmæli í dag
Birt af siggadisa kl. 4:44 e.h. |
fimmtudagur, maí 08, 2008
Jæja er að reyna að hafa mig úr svaladyrunum, kl. að verða 20.00 og enn bara blíða. Ætla að henda í tösku og vaska upp hérna og svo í sturtu. Stefnan er tekin á Esbjerg eftir vinnu á morgun.
Um daginn þegar ég var á leið á Bakken, var heljarinnar fyllerí í lestinni. Þá sá ég krípí sjón, þar var fullur maður sem tók upp eitthvað dæmi til að mæla blóðsykurinn og stakk sig í puttann! Bíddu á þetta heima með áfengi?
Ekki að mínu mati.
Birt af siggadisa kl. 5:49 e.h. |
miðvikudagur, maí 07, 2008
Lítið frásagnarvert gerst í dag, nema sólin maður! var að skoða gamlar myndir um daginn þar á m.a. frá því við systur og Elmar fórum vestur í júlí í fyrra og það sem ég var brún maður, vá en er samt búin að komast að því að ég verði búin að ná sama lit aftur í júní ef fram heldur sem horfir.
Eyddi deginum í vinnu og kvöldinu á fundi.
I næstu viku kemur í ljós hvort launahækkunin verður samþykkt, kosningu lýkur þann 13. Þannig að kannski verður verkfall og kannski ekki.
Stefnan er tekin á Esbjerg um helgina og verður það að öllum líkindum allt sem ég fer í sumar. Annars eru miklar vangaveltur í gangi, ýmislegt að spá en bara að spá eins og er jæja svo sem komin ákvörðun en hún er bara fyrir mig og eitt og annað sem ég á eftir að skoða í því samhengi.
Birt af siggadisa kl. 8:44 e.h. |
mánudagur, maí 05, 2008
Hvernig væri svo að sýna lit og kvitta fyrir sig, er komin með teljara sem virkar og veit því að það eru einhverjir að skoða. Ég tek minn lit út utandyra nú þar sem sólin og sumarið virðist komið hér um slóðir.
Birt af siggadisa kl. 5:38 e.h. |
sunnudagur, maí 04, 2008
Snilldarveður um helgina og þannig er spáin fyrir næstu daga endar með 22° á fimmtudag
Birt af siggadisa kl. 7:14 e.h. |
Birt af siggadisa kl. 7:04 e.h. |
Algjört möst...
...að horfa á Kongemordet þegar Ruv fer að sýna það, náði bara 3 síðustu þáttunum en vá spennan maður
Birt af siggadisa kl. 2:35 e.h. |
laugardagur, maí 03, 2008
Þessi líka rosa, rosa göngutúr í dag
Byrjaði á að skella mér í ræktina og rækta mig, já og baða en það er algjör nauðsyn að fara hreinn í langferðir. Fór síðan niður á Ráðhústorg, keypti kaffi og las mér létt til um fyrirhugað ferðalag. Reyndi að komast inn í Ráðhúsið en það var víst ekki í boði. Það er eingöngu virka daga og hver veit hvenær ég kemst á virkum degi, hef augastað á næsta föstudagi, minnir að ég sé búin snemma þá og það er ekkert komið á planið þann dag sem ég man eftir. Þannig að ég hafði mig af stað "Leið hundsins" var málið (foreldrar mínir skilja titilinn). Með ýmsum útúrdúrum labbaði ég að því sem mig hefur langað svo að sjá en kuldin haldið mér frá = Litlu hafmeyjunni og hún er víst íslensk eins og ég daman sú. Ja allavega var myndhöggvarinn íslendingur, vestfirðingur! Í bakaleiðinni kom ég við í kastalahólminum og sá þar m.a. hermann með rifil eða einhvern annan andskotans óþverra. En svo var mér orðið svo hryllilega illt og það var orðið svo erfitt að labba að ég ætlaði ekki að komast til baka. Hentist inn á Österport St. og tók togið heim.
Veit ekki alveg hvenær ég fór héðan út í morgun, c.a. 11.00 og kom aftur heim um 20.20 langur og góður dagur þetta. Tók helling af myndum sem ég á eftir að hlaða inn í tölvuna, verður kannski á eftir. Mest eru þetta myndir af einhverju sem sérstaklega vöktu áhuga minn og mig langar að eiga en einnig tók ég nokkrar fyrir Aðalheiðarsyni. Kristján sorrý en ég held að Alexander hafi engan áhuga á Kanónum, (sjóræningjaskipum), hermönnum, hertrukkum eða öðru slíku.
Birt af siggadisa kl. 6:45 e.h. |
fimmtudagur, maí 01, 2008
Birt af siggadisa kl. 5:25 e.h. |
Myndavélin fór með á Bakken en fékk frí sökum rigningar. Þannig að engar myndir þaðan.
Ekki rakst ég á dýragarðinn sem sagt er að sé þar. Þarf greinilega að athuga þetta betur, en kannski eins gott að hann varð ekki á vegi mínum því mér finnst hann held ég mun áhugaverðari en tívolíi'.
Birt af siggadisa kl. 3:46 e.h. |
Og sólin fór að skína um 5 leytið
Birt af siggadisa kl. 3:21 e.h. |
Birt af siggadisa kl. 7:36 f.h. |
miðvikudagur, apríl 30, 2008
Miklar pælingar hér í sambandi við meira nám. Hvernig á maður að hugsa dæmið. Er málið Master í talmeinafræði eða að fara í eitthvað allt annað og hætta að vinna með fólk? Ja það veit ég ekki en leiðinleg vinna sem er svo illa launuð að það hálfa væri meira en hellingur er ekki að gera sig.
Held ég fái mér bara kakó og brauð upp á þessar vangaveltur.
Birt af siggadisa kl. 9:20 e.h. |
Tréið fyrir utan stofugluggann hjá mér og Nb. ég bý á efstu hæð í blokk.
Nærmynd! Tréið blómstrar, bleik blóm
Hérna hef ég verið á námskeiði í dag og í gær.
Húsið er frá 1703, geri aðrir betur, og þakið er stráþak
Og að lokum ein mynd af Slotsparken rústunum.
Þarf að skoða þetta allt betur eftir vinnu einn daginn, þ.e. þegar heilsan verður komin í lag.
Skýjað í dag og því ekki jafn mikil sól og í gær, heldur ekki alveg jafn hlýtt, en frábært veður engu að síður. Komin í 4 daga helgarfrí. Ætla á Bakken en annað er óráðið, jafnvægið ekki alveg upp á það besta. Fékk tíma hjá lækninum næsta þriðjudag en fæ ekki tíma hjá sérfræðingnum fyrr en 21 mai og samkvæmt mínum útreikningum gæti ég nú verið dauð þá.
Vaknaði í stofusófanum í kvöld, skildi fyrst ekkert í að kominn væri morgun og svo ekkert í því að ég hefði sofið í sófanum, tók smá stund að átta sig á að ég væri komin í helgarfrí og að ég hefði lagt mig þarna þegar ég kom heim í dag.
Birt af siggadisa kl. 7:55 e.h. |
þriðjudagur, apríl 29, 2008
Ennþá hrottalega pirruð
Hvernig getur Vinnumálastofnun (eða hvað það apparat heitir nú) legið á plöggum mánuðum saman, hvernig getur starfsfólkið þar haft það á samviskunni að vinna ekki vinnuna sína og þiggja laun fyrir það. Ja ég er allavega komin í tugþúsundaskuld vegna vanrækslu þeirra og svo sannarlega ekki sátt. Fyrir rúmlega ári síðan gekk ég frá því við greiðsluþjónustuna að dregið yrði af laununum til að endurgreiða lánið. Það voru allar dagsetningar á hreinu og allt öruggt taldi ég, en nú í vor kom reikningur frá LIN, hahhhhhhhhhh greiðsluþjónustan ekki að standa sig.
Húsavíkurbær var ekki að standa sig hvað skattinn varðar, launaseðlum og launamiða bar ekki saman, þrátt fyrir að borga heljarinnar skatt í hverjum mánuði, þá var skuld við skattinn upp á tugi þúsunda staðreynd. Um þar síðustu áramót var nafni bæjarfélagsins breytt eftir heljarinnar sameiningu og ekki hvarflaði annað að mér en að launagreiðendur færu nú að standa sig. En nei, málið versnaði, launamiðinn segir að ég hafi greitt mun minni skatt en ég gerði og launaseðlar segja til um og staðreyndin ég þarf að borga mun meira en í fyrra. Og að síðustu: póstþjónustunni á Íslandi virðist fyrirmunað að skilja að fólk geti bara flutt úr landi og að það sé ekki tímabundið. Þeir eru til í að senda mér póstinn minn tímabundið fyrir pening en að sætta sig við að þetta sé ekki tímabundið ekki að ræða það. Þannig að eins og staðan er í dag fæ ég allan danskan póst sendan heim til mín en allt sem hefur viðkomu á Íslandi fer heim til mömmu. Heimilisfanginu breytti ég í Nóv - des á síðasta ári og hef reglulega haft samband við póstþjónustuna síðan, þar eru þeir ekkert nema viljinn og benda mér á að breyta heimilisfanginu á netinu, sem ég geri en það er bara hægt tímabundið og þar sem ég stefni ekkert á að flytja til Íslands á næstunni þá gengur þetta ekki upp og að halda það að ég fari að borga tiltekna upphæð á mánuði fyrir að fá póstinn minn sendann þvílík vitleysa. Niðurstaðan er því þessi: Ef manni dettur í hug að flytja frá Íslandi er víst best að eiga svona c.a. 150 -200.000 til að standa straum af klúðri íslenskra stofnanna. Jabb hélt ég væri með allt á hreinu þegar ég flutti, búin að kynna mér allt svo vel og ganga svo vel frá öllum endum en þessi vitleysa hvarflaði aldrei að mér.
Húsið sem ég var á námskeiði í í dag er yndislegt, byggt 1703 með stráþaki og alles. Enginn íslenskur moldarkofi það. Jæja veit allavega núna hvernig stráþök líta út. Og ég er búin að komast að því að það er ekki nafnið sjálft sem kemur alltaf upp um að ég er íslensk og svo sannarlega er það ekki útlitið, heldur er það viðhengið -dóttir! Við vorum með lista með nöfnum allra þáttakenda Þegar við vorum lesin upp þurftum við að segja lítillega frá okkur, hvar við innum og svona, nema þegar fyrirlesarinn hafði tafsað á nafninu mínu tilkynnti hann mér að hann væri á leið til Íslands í frí í sumar. Jæja aftur námskeið á morgun og svo 4 daga frí. En komið vor og blíða alla daga.
Ætlaði að finna mynd af húsinu á netinu en ekki alveg að ganga upp
Birt af siggadisa kl. 7:21 e.h. |
mánudagur, apríl 28, 2008
Í dag var það svona
Birt af siggadisa kl. 8:03 e.h. |
sunnudagur, apríl 27, 2008
Það er skýjað enn og engin sól en sæmilega hlýtt held ég. En hvað er ég að kvarta klukkan ekki orðin 11 að morgni hér.
Fæ ekki tíma hjá sérfræðingnum fyrr en 21 mai og þá held ég að ég verði dauð. Spurning um að tala aftur við heimilislækninn í vikunni. Nú er ég hætt að drekka fullt af vatni og farin að mæla vatnið ofan í mig, ætla að drekka fullt af vatni en eftir máli, 2 lítrar á dag skulu það vera.
Stutt vinnuvika að hefjast. 1.mai með uppstigningardag í kaupbæti á fimmtudag og svo lokað á föstudag. Ég að vinna á morgun mánudag en svo á námskeiði á þriðjudag og miðvikudag.
Kominn sunnudagur og ekki hefur Janus látið sjá sig með nýjan ráder eða módem handa mér. Þannig að enn sem komið er er ég enn inn á opnu neti einhvers annars.
Birt af siggadisa kl. 8:42 f.h. |
laugardagur, apríl 26, 2008
Sól og blíða
Hér er þvílíka blíðan og vonast ég til að ná í smá lit af einhverju tagi hér í svaladyrunum. Samt sýnir hitamælirinn á tölvuskjánum bara 12° í Köben. Ég er greinilega íslendingur, mér finnst þetta heitt, sit reyndar í algjöru skjóli.
Þessa dagana er alltaf verið að sýna Mentos auglýsinguna með "Krummi svaf í Klettagjá..." sem undirspil, já þetta ástkæra, ylhýra, manni hlýnar svo sannarlega...
Birt af siggadisa kl. 2:18 e.h. |
föstudagur, apríl 25, 2008
pirringur, pirringur, pirringur
Birt af siggadisa kl. 7:14 e.h. |
mánudagur, apríl 21, 2008
Hvernig væri svo að kvitta?
Koma svo.......................................
Birt af siggadisa kl. 6:40 e.h. |
sunnudagur, apríl 20, 2008
Sól...
...og blíða hér í dag. Og á víst að vera næstu daga.
Búin að vera í þriggja daga helgarfríi og finnst nú alveg nóg um lengdina, var alveg búin að fá nóg í gærkvöldi. En hvað um það, ég hef víst enga stjórn á dönskum frídögum frekar en íslenskum.
Síminn kominn í lag og komið í ljós að sennilega er það módemið sem virkar ekki. Þannig að mér virðist ekki ætlað að hafa netið í lagi.
Búin að fá reikning frá Félagi Leikskólakennara hér, var skráð í félagið 11.janúar og allan þann tíma hefur verið beðið eftir pappírum frá Íslandi sem hafa aldrei skilað sér, það er enn verið að bíða en ákveðið var að gera einhverja undanþágu og senda mér glæsilegan reikning. Undanþágan var vegna fyrirhugaðs verkfalls en síðan var samið. Þannig að verkfallið var ekkert en ég má borga þessa upphæð.
Er að horfa á danskann þátt á DR1 og ekki alveg að skilja dæmið enda búin að missa af mörgum þáttum.
Svo má sko alveg kvitta!
Birt af siggadisa kl. 5:55 e.h. |
föstudagur, apríl 18, 2008
Já og sá aftur konu með blæju í toginu í gær og ég er svo klár að ég sá að þetta var ekki sú sama og um daginn, augun ekki alveg þau sömu eða eitthvað í þá áttina. Hún hélt á bók sem leit ekki alveg út fyrir að vera kóraninn.
Hvað er fleira í fréttum? Oliver er fundinn en honum var rænt út á götu af móður sinni í vikunni. 5 menn og 1 kona í haldi, búið að vera aðalfréttin í allan dag.
Jæja komin með nálardoða og þar með kveður Sigríður blóðlausa
Birt af siggadisa kl. 11:01 e.h. |
Komið vor
Garðurinn sleginn í dag, angandi gróðurlykt og komnir bekkir og borð út
Birt af siggadisa kl. 11:00 e.h. |
miðvikudagur, apríl 16, 2008
Alveg að komast í 3 daga helgarfrí
Var að reyna að ná í Ingu en það svarar enginn á því heimilinu í símann.
Fór til læknisins í dag, á að fá lyf, en þar sem þetta er náttla ég þá fæst lyfið ekki í apótekinu hérna, ætla að tékka annarsstaðar á morgun. Ef þetta er ekki komið í lag eftir helgi þarf ég að fara til eyrnasérfræðings. Jæja en hann minntist ekkert á blóðprufur heldur spurði virkilegra spurninga um líðan mína.
Þarf aftur á fætur fyrir allar aldir en kl. 15.30 er komið helgarfrí. Finnst ég reyndar alltaf vera í helgarfríi, tíminn líður hratt.
Birt af siggadisa kl. 6:43 e.h. |
þriðjudagur, apríl 15, 2008
Djöfull er ég dugleg
Það sem af er árinu er þetta blogg nr. 50. á síðasta ári (2007) Bloggaði ég 9 sinnum.
Ætla samt ekki að halda því fram að þetta sé neitt merkilegt, mest megnis rusl en mér finnst samt vænt um myndirnar mínar.
Birt af siggadisa kl. 6:18 e.h. |
Já og þar sem ég ákvað að byrja að telja upp á nýtt þá ákvað ég líka að setja danska veðurkvennsu inn. Bætti einnig inn nokkrum tenglum og henti út öðrum óvirkum.
Birt af siggadisa kl. 6:12 e.h. |
Varð að gera aðeins meiri breytingar á blogginu, þ.e. koma teljaranum í lag.
Icelandexpress byrjar ekki að fljúga til Akureyrar og Egilsstaða fyrr en 15. mai er það nú asnalegt.
Lítið að frétta héðan, þarf að fara allt of snemma á fætur í fyrramálið, mæta snemma í vinnu
Birt af siggadisa kl. 6:09 e.h. |
mánudagur, apríl 14, 2008
og...
Birt af siggadisa kl. 8:27 e.h. |
föstudagur, apríl 11, 2008
Held ég sé bara stórskrýtin og hundgömul sál
Birt af siggadisa kl. 8:38 e.h. |
Á næsta föstudag
er Store Bededag sem er almennur frídagur og ég því í fríi. Um daginn vildi ég fá að vita hvaða af hverju væri lokað þennan dag og ég í fríi. Það var útskýrt sem svo að ég gæti þá beðist fyrir allan daginn, eg sagði náttla: jááááááá, og ljómaði eins og sól í heiði. Kannski spurning um að komast að því hvernig faðirvorið er á dönsku. Haha. Ágætt enginn fundur eða fyrirlestur í næstu viku en frídagur svo hægt sé að biðjast ærlega fyrir.
Birt af siggadisa kl. 8:30 e.h. |
Plan helgarinnar...
... Er í raun ekkert plan nema að drullast í ræktina og rækta sig aðeins, fara svo heim og þrífa aðeins og þvo þvott. Þetta er svona einhver hluti af laugardeginum og annað er óákveðið og sunnudagurinn algjörlega óskrifað blað.
Birt af siggadisa kl. 6:35 e.h. |
Þurfti að panta mér tíma hjá lækni um daginn. Best að prófa að fara til dansks læknis. Hér þarf maður víst að hafa heimilislækni og fær ekki skráningu inn í landið nema að hafa einn slíkann. Hann byrjaði á að biðja um CPR- númerið mitt (kennitöluna) og ég hugsaði hjúkkkkkkkkkkkkk! En svo bað hann um nafnið og ég hugsaði helvíti og hló innan í mér um leið, því nafnið mitt er ekki beint alþjóðlegt. Þegar kom að dóttir sagði hann: So you are from Iceland, the beautiful Iceland! Og ég varð svo stolt að ég gat lítið gert nema þakka kærlega fyrir. Og nú hlakkar mig bara til að hitta kallinn, hann hljómaði almennilegur í símann.
Birt af siggadisa kl. 6:29 e.h. |
oft á dag sé ég muslimakonur með höfuðklæði, vinn reyndar með einni sem ér alltaf með svo fallegt, allskonar steinar eða útsaumur og mynstur á enninu. En í morgun í fyrsta skiptið sá ég konu sem var einnig með blæju! Án gríns það sást einungis í augun.
Birt af siggadisa kl. 6:25 e.h. |
þriðjudagur, apríl 08, 2008
Fleiri myndir
Alexander Mikli og þar hafið þið það góða fólk
Æskilos og Hygenia dóttir hans
Er þetta Sulla? Ja svo er sagt en hvað veit ég? Aldrei hitt manninn eða séð með eigin augum, enda svoldið langt síðan hann var uppi.
Nerva, ja maður getur spurt sig...
Þessi heillaði mig, kannski vegna litana innan um allan föla marmarann og annars litlauss efnis. Kannski vegna þess að þetta er óþekktur barbari en grikkir kölluðu alla útlendinga barbara vegna þess að tungumál þeirra hljómaði "barbar"
Birt af siggadisa kl. 8:41 e.h. |
sunnudagur, apríl 06, 2008
ég er myndbloggari
Ég hendi bara inn myndum af því sem ég geri en nenni ekkert að skrifa. Enda yrði það örugglega nördalegt í meira lagi. Er að nota tækifærið þar sem þessi nágranni virðist ætla sér að vera með netið opið í allan dag. En annars gerist lítið í þessu lífi og ég ætti kannski að klára að lesa fyrir morgundaginn. Hummmmmmmmmmmm já ekki galin hugmynd það og hendast svo í háttinn.
Birt af siggadisa kl. 6:42 e.h. |