jæja allt að hafast, best að fara að skella sér út í rokið og vindinn. Að pósthúsinu og ræktinni lokinni standa víst til þrífingar á þessum bæ.

svoldið á taugum...

... en jæja reddast vonandi samt allt. Er semsagt búin að segja upp blessaðri vinnunni (skriflega, með 3 mánaða uppsagnarfrest) en hef ekki alveg fengið neitt í staðinn en það vonandi reddast nú allt saman, þá allavega þegar ég sýni mig í eigin persónu í útlandinu. Það er rok úti og ég að reyna að hafa mig í ræktina labbandi, gengur ekki alveg sem skildi. Búin að selja bílinn, þarf að labba allt, svoldið skrýtið en án vafa bæði hollt og gott. Ætla að nýta ferðina og skella mér að minnsta kosti á pósthúsið í leiðinni.

Vá hvað ég...

...elska nýju tölvuna mína.

Seldi bílinn minn síðasta föstudag og þarf því að reyna að rembast við að venjast því að labba allt. Ekkert smá skrítin tilfinning. En hollt held ég. Bla,bla... Og eins og staðan er í dag lítur út fyrir að ég fari um áramótin, ef ég verð búin að fá íbúð og svo er bara að vona að vinnan fylgi í kjölfarið. Þetta er allt svo spennandi, en samt er ég svo þreytt og á svo erfitt með að bíða en er samt búin að taka fullt af ákvörðunum. Svoldið erfitt að geta ekki byrjað að pakka niður, reyna að selja dótið, henda því sem á að henda osfrv. En jæja sá dagur kemur. Á meðan get ég víst hugsað þetta allt.

veit ekki vel...

hvað ég ætlaði mér að skrifa. Gengur eitthvað ekki vel að komast inn á síðuna. Er byrjuð að vinna aftur, búin í sumarfríi. Og það er bara ágætt. Nýja sæta, sæta tölvan mín ennþá fín og í góðu standi, hreint og beint elska gripinn. Er annars enn að æfa mig á dönskunni og með allan (eða mestan) hugann við það. Húsavíkurfestival í gær og bara gaman það. Var að vinna, sem er líka bara gaman.

Ný tölva og ég elska hana, svo hraðvirk og frábær. Sú gamla var frábær en orðin aðeins of lengi að hugsa fyrir minn smekk.

Farin á fund forfeðranna...

...þ.e ekki yfir móðuna miklu heldur ætla ég að skella mér vestur á firði með Öllu og Elmari. Erindið að skoða átthagana. Staðina þar sem forfeður mínir ólu sín bein margir hverjir, þar til hún amma mín heitin reif sig upp og gerðist frú norður í landi, giftist bóndasyni, ól sín börn og sinnti sínum búfénaði.

Tjaldútilega: Barðarströnd, Rauðisandur, skreppl á Patró og eitthvað fleira. Kvíður samt svo fyrir að sofa í tjaldi en það er áskorun til að sigrast á.

Búin að grafa upp svefnpokann sem ég fékk í fermingargjöf um árið og búin að pakka niður, kvíður samt svo fyrir.

já veit eiginlega (eða hreint út sagt) ekki hvað ég ætlaði að skrifa, en eitthvað hlýtur það að hafa verið merkilegt. Var að vinna í kvöld, svo til enginn heima á þeim bænum þannig að ég horfði á Stöð 2. Uppbyggilegt - mjög svo, eða ekki. Er ekki með stöð 2 heima þannig að, um að gera að horfa á hana annars staðar. Var að horfa á Opruh, hjá henni var leikkonan sem leikur Carrie Bradshaw í SITC, Inga segir að ég sé lík henni, Omma mági hennar finnst ég aftur á móti alveg eins og einhver leikkona af öllum kynþáttum sem leikur í einhverjum læknaþáttum á stöð 2. Gat nú ekki séð að þær tvær væru á nokkurn hátt líkar eða ættu neitt sameiginlegt. Þannig að eitthvað hlýt ég að vera stórundarleg í framan, með mjög ósamstætt andlitslag eða eitthvað. Jæja sitt sýnist hverjum. Ég er sæmilega sátt og það er það sem skiptir mestu, er það ekki? Mætti reyndar vera aðeins hærri, en hvað um það. Búðirnar klikka yfirleitt á að selja föt í strumpastærð en jæja ég eyði þá bara minni pening á þeim vettvangi. Sem er bara gott mál því útlandið og námið bíður. Held annars að ég sé að koma mér í eitthvað kaupæði þessa dagana, en ég má það kannski alveg. Já held ég slái því bara föstu hér með.

Og held ég sé hætt, þetta er komið í algjöra steypu.

"Hverra manna ert þú vinur - vinan"

Upplifði svolítið í dag sem fékk mig virkilega til að hugsa. Fór með bílinn á verkstæði í dag, litla elskan mín er nefnilega á leið í skoðun. Fór síðan seinnipartin og sótti hann. Fattaði síðan seint og um síðir að maðurinn sem afgreiddi mig sagði mér bara að hann þyrfti að fara niður að sækja reikninginn og lykilinn, hann spurði mig aldrei að nafni, bílnúmeri eða bíltegund. Er ég kannski dóttir Júlla Jónasar? Hver þeirra þá? Er ég kannski þessi litla, dökkhærða? Eða er ég kannski dóttir konunnar hans Júlla? Hvor þeirra þá? Kannski þessi litla, dökkhærða? Eða er ég kannski þessi sem er alltaf að þvælast út um allt með fatlaða fólkinu?

Þess má geta að ég skildi bílinn eftir þarna fyrir 8 í morgun, áður en opnaði. Var reyndar búin að panta tíma en því fylgdi engin útlitslýsing.

Jæja...

...held ég sé bara byrjuð á þessari vitleysu aftur. Og ástæðan, hummmmmm, uppgötvun sem gerði mig svo undrandi. En þetta gekk þó ekki þrautarlaust fyrir sig, síðan svo ljót og ég búin að ætla að breyta henni svo lengi. Gat bara ekki meir, eftir að hafa eitt öllu út af síðunni (þ.e. þessu gamla) þá bara varð ég að breyta öllu templeitinu áður en nokkur stafur færi þarna inn. Jæja að uppgötvun dagsins: semsagt tók mig til í gærkvöldi og byrjaði að lesa grunnskólakennslubók í dönsku og nátturlega á dönsku. Móðir mín, kennarinn, lánaði mér hana í gær. Og þá að uppgötvuninni: bókin er áhugaverð og skemmtileg og fræðandi o.s.frv. Jæja undrunin er sú að ég ætlaði ekki að geta slitið mig frá bókinni og í kvöld fann ég að það var efst á listanum að halda lestrinum áfram.

Einhvern tímann hefði nú verið eitthvað að ef ég hefði sóst í að lesa á dönsku og hvað þá kennslubækur!